Annooma itaispssksinima’tstohkio’pi nitainihkato’pa Naato’sa’pioyis.  Isskohtsika nitstsinaiminnaan, Nato’sapi, iikaikaisoo’wa ki iikakaipommoowawa.  Iitohpokiinihkato’p anoom iitaispssksinima’tstohkio’pi.  Iitsikayinni’pa 1971.  Aito’tsstoyiisi 2021 aakitsisi’tsipoistoyiiwa nitsitawa’taatsto’pinnaan. Mohkotokskaiks iitaipo’toyiiyaawa aokakihtsimatomiks anooma iitaissksinima’tsohkio’pi.

Iitoomitaotoopaayi pookaiks anooma; naatoyapiikowaiks oksska’satstoomiyaawa.  Otsitsksisi’postoyiyi iitootopahpi pookaiks, 1929 -1971.

Annoohka iiksokomataihtsiiwa, iikakaomianistsiiyi iitaisksinima’tsohkato’pistsi.  Iikakohkowa’piiyi amostsiysi iihtohko’tsimao’pisstsi.  Ki kiipaitapiiyisinnoon ki kitsi’powahsinnooni matohpaissksinima’tstohkio’pi. Aissksinima’tsaiks aakohka’tsitsskotsisstapi’tsimiyaawa Siksikayisinni.

Aissksinima’tsaiks aayaksimaayaawa mahksikayisstapawa’kiohsaawa ki mahkitapa’kiohsaawa omianistsitaispssksinimatsstohkiopisstsi.

Image: Chief Old Sun (Source Glenbow Museum)